കഥകള്‍ക്കു പിന്നില്‍

അവള്‍ ഇന്നും എന്റെ കണ്ണുകള്‍ ഈറനാക്കുന്നു

യന്ത്രവൽക്കരണം മൂലം നിസ്സഹായരായ തൊഴിലാളി സ്ത്രീകൾ നേരിടുന്ന ലൈംഗിക ചൂഷണത്തെ കുറിച്ചുള്ള കഥയുടെ ബീജം മനസ്സിലേക്ക് പ്രവേശിച്ച സാഹചര്യവും കഥയെഴുതിക്കഴിഞ്ഞ ശേഷവും കൗസല്യ എന്ന കഥാപാത്രം മനസ്സിൽ നിന്ന് മാറാൻ വിസമ്മതിച്ചു നിന്ന അനുഭവവും പങ്കിടുന്നു.

ഒരു ദിവസത്തിന്റെ മരണം എന്ന കഥക്കു പിന്നില്‍

യന്ത്രവൽക്കരണം മൂലം തൊഴില്‍രഹിതരാകുന്ന സ്ത്രീകളുടെ നിസ്സഹായതയെ അധികാരമുള്ള പുരുഷൻ ചൂഷണം ചെയ്യുന്നു. ജീവിതപ്രശ്‌നങ്ങൾക്കു മുന്നിൽ നിരാലംബരായി ചൂഷണത്തിന് വഴങ്ങുന്ന ദുരവസ്ഥയെ തന്റേതായ വീക്ഷണകോണിൽ നിന്ന് ഹരികുമാർ കഥിക്കുന്നു.

സൂര്യകാന്തിപ്പൂക്കൾ എന്നോട് പറഞ്ഞത്

മുമ്പ് കാണാത്ത, അപ്രതീക്ഷിതമായി മുന്നിലേക്ക് തള്ളിവന്ന ഒരു ചേതോഹര ദൃശ്യം കഥാകൃത്തിന്റെമാത്രമല്ല വായനക്കാരുടേയും ജീവിതബോധം മാററി മറയ്ക്കുക എന്നത് അപൂർവ്വമത്രേ. ആ അത്ഭുതം സംഭവിച്ചതിന്റെ കഥയാണ് ഈ ലേഖനത്തില്‍.

കള്ളിച്ചെടി'യെപ്പറ്റി പറഞ്ഞത്

വിവാഹപ്രായം കഴിഞ്ഞിട്ടും അവിവാഹിതയായിരുന്ന വിമല വളര്‍ത്തിയിരുന്ന കേവലം ഒരു ചെടി മാത്രമല്ല ആ കള്ളിച്ചെടി; അവളുടെ ജീവിതത്തിന്‍റെ വര്‍ണ്ണരാഹിത്യത്തിന്‍റെ പ്രതീകം കൂടിയാണത്. സ്ത്രീ പുരുഷ ആകര്‍ഷണത്തെ സാമൂഹ്യനിയമങ്ങള്‍ എത്രത്തോളം സങ്കീര്‍ണ്ണവും വികലവുമാക്കുന്നു…

എന്റെ കഥയെക്കുറിച്ച് - പത്മരാജന്‍ അവാര്‍ഡ്

പച്ചപ്പയ്യിനെ പിടിക്കാൻ എന്ന ചെറുകഥ ഉയർത്തുന്ന സമസ്യ- സമ്പത്തില്ലാത്തവരുടെ- എങ്ങിനെയാണ് മററ് കഥകൾക്കും പ്രമേയമായിരിക്കുന്നത് എന്ന് അന്വേഷിക്കുകയാണ്, ഈ പ്രശ്‌നങ്ങൾക്കല്ലാം അടിത്തട്ടിലായി കാണുന്നത് സമൂഹത്തിൽ വന്ന സാംസ്‌കാരിക അപചയമാണ്.

ഈ കഥ ഉല്‍പ്രേക്ഷയില്‍ പെടില്ല

തന്റെ കഥകളെ വിശദമായി പഠനവിധേയമാക്കാൻ ഉദ്ദേശിച്ചുകൊണ്ട് സമീപിച്ച നിരൂപകൻ ചെയ്തിരിക്കുന്നത് കൃതികളുടെ അശ്രദ്ധവും ഉപ രിതലസ്പർശിയുമായ വായനമാത്രമാണെന്ന് ബോദ്ധ്യമായപ്പോൾ താൻ അനുഭവിച്ച വേദനയും നീരസവും ദ്യോതിപ്പിക്കുന്നതാണ് ഈ ലേഖനം

എന്തൊക്കെയോ നഷ്ടപ്പെട്ട ഒരാളെ'പ്പറ്റി

അന്യഥാ മാന്യരും ഹൃദയാലുക്കൾ എന്നു തന്നെ ഗണിക്കപ്പടുന്നവരും ആയ മനുഷ്യർ പല കാരണങ്ങളാൽ സമൂഹത്തിലെ നിസ്സഹായരെ സഹായിക്കാനുള്ള അവസരങ്ങൾ ഉപയോഗിക്കുന്നില്ല. നന്മചെയ്യാന്‍ കിട്ടുന്ന അവസരം പാഴാക്കിയ ശേഷം അതിനെപ്പററി ഖേദിക്കുന്ന ഇടത്തരക്കാര്‍.

ഒരു തേങ്ങലോടെ മാത്രം

തന്റെ ഏററവും ഇഷ്ടപ്പെട്ട കഥാപാത്രം ആര്‌? എന്ന് ചിന്തിക്കുകയാണ് കഥാകൃത്ത്. തന്റെ സർഗ്ഗസൃഷ്ടി എന്ന നിലയിൽ എല്ലാ കഥാപാത്രങ്ങളും പ്രിയപ്പെട്ടവരാണെങ്കിലും എന്തൊക്കെയോ നഷ്ടപ്പെട്ട ഒരാൾ എന്ന കഥയിലെ റാണിയെയാണ് തനിക്ക് ഏററവും പ്രിയം എന്ന് കണ്ടെത്തുന്നു.

കറുത്ത തമ്പ്രാട്ടിയെപ്പറ്റി

കഥയെഴുതാനിരിക്കുമ്പോൾ മനസ്സിൽ മുൻകൂട്ടി കരുതിവെച്ച ആസൂത്രണങ്ങളെല്ലാം കഥാരചനയുടെ ഘട്ടത്തിൽ നിരർത്ഥകമായി ഭവിക്കുകയും, കഥാപാത്രങ്ങൾ സ്വന്തം വ്യക്തിത്വമനുസരിച്ച് കഥാഗതി നിയന്ത്രിക്കുകയും ചെയ്യുന്ന സർഗ്ഗാത്മകതയുടെ അനുഭവം ഹരികുമാർ പങ്കുവെക്കുന്നു.

കഥാപീഠം പുരസ്കാരം

വായനക്കാർക്ക് വേണ്ടിയാണ് താൻഎഴുതുന്നതെന്നും വായനക്കാരനാണ് തന്നെക്കൊണ്ട് നല്ല കഥകൾ എഴുതിക്കുന്നതെന്നും അവരുടെ കൂട്ടായ്മയായ കഥാപീഠം നൽകുന്ന ഈ പുരസ്‌കാരം അതിനാൽ തനിക്ക് വളരെ വിലപ്പെട്ടതാണെന്നും ഹരികുമാർ പറയുന്നു.

നഗരവാസിയായ ഒരു കുട്ടി - ആമുഖം

സാഹിത്യകാരന്മാരുമായുള്ള സംസർഗ്ഗത്തേക്കാൾ സാഹിത്യരചനയെ സഹായിക്കുന്നത് ജനജീവിതവുമായുള്ള അടുത്ത ബന്ധമാണ്, നമുക്ക് നമ്മുടേതായ ഒരു സംസ്‌കൃതിയുണ്ടെന്നും അതിനു മുകളിലേ നമ്മുടെ ഇഷ്ടികകൾ പടുക്കാൻ പാടൂ എന്നും ലേഖകൻ നിഷ്‌ക്കർഷിക്കുന്നു.

വെള്ളിത്തിരയിലെന്നപോലെ'യിലെ കഥകള്‍

യന്ത്രവൽക്കരണം, സാമ്പത്തിക ഉദാരീകരണം എന്നിവയാല്‍ തൊഴിൽ നഷ്ടപ്പെടുകയോ, തൊഴിലുറപ്പ് ഇല്ലാതാവുകയോ ചെയ്യുന്ന സാഹചര്യത്തിൽ സാധാരണക്കാരൻ അനുഭവിക്കുന്ന അപചയത്തെ പ്രമേയമാക്കി രചിച്ച കഥകൾ എഴുതാനുണ്ടായ സാഹചര്യങ്ങൾ ഹരികുമാർ വിവരിക്കുന്നു.

ഉമ്മുക്കുല്‍സൂന്‍റെ വീടി'നെപ്പറ്റി

തന്റെ സാഹിത്യജീവിതത്തിൽ രണ്ടു തവണയാണ് മരവിപ്പ് അനുഭവപ്പെട്ടതെന്നും രണ്ടാമത്തെ മരവിപ്പ് തീർന്നത് ഉമ്മുക്കുൽസുവിന്റെ വീട് എന്ന ചെറുകഥയുടെ രചനയിലൂടെ ആണെന്നും കഥാകൃത്ത്. എഴുത്ത് ഭംഗിയായി തുടരാൻ കഴിയുന്നുണ്ട് എന്ന തിരിച്ചറിവിലെ ആഹ്‌ളാദമാണ്‌ ഇവിടെ പങ്കുവെയ്ക്കുന്നത്.

വായനക്കാരി പറഞ്ഞത്

വായനക്കാരിയുടെ ചോദ്യങ്ങൾക്ക് നോവലിസ്റ്റ് വ്യക്തമായ മറുപടി പറഞ്ഞില്ല. ഒരു കഥ വായിക്കുമ്പോൾ ഓരോ വായനക്കാരനും സ്വന്തം രീതിയിൽ കഥകൾ ഉണ്ടാക്കുകയാണ് ചെയ്യുന്നത്, അതിനാൽ കഥാകൃത്ത് കഥയുടെ കാതൽ വിവരിക്കാൻ ശ്രമിക്കുന്നത് ശരിയല്ല എന്നുമാണ് ഹരികുമാറിന്റെ പക്ഷം.

പ്രണയത്തിനൊരു സോഫ്റ്റ്‌വെയർ - ആമുഖം

ബാംഗളൂരിലെ വിവരസാങ്കേതിക മേഖലയിൽ പ്രവർത്തിക്കുന്ന ചെറുപ്പക്കാർ കഥാപാത്രങ്ങളായുള്ള ഈ നോവൽ രചിക്കാൻ വിവരസാങ്കേതിക മേഖലയെപ്പററി തനിക്കുള്ള പരിചയത്തിന്റെ ഒരംശം മാത്രമാണ് ഉപയോഗിക്കേണ്ടി വന്നതെന്ന് ഹരികുമാർ വെളിപ്പെടുത്തുന്നു.

കൊച്ചമ്പ്രാട്ടി - അവതാരിക

അമ്പതുകളുടെ മധ്യം തൊട്ട് അറുപതുകളുടെ അവസാനം വരെ കേരളത്തിൽ സംഭവിച്ചത് സാമൂഹ്യവും, സാംസ്‌കാരികവും, രാഷ്ട്രീയവുമായ ചരിത്രമുന്നേററമായിരുന്നു. നിസ്വരുടെ ഉയിർത്തെഴുന്നേൽപ്പിന്റെയും ഉപരിവർഗ്ഗത്തിന്റെ പടിപടിയായുള്ള അധ:പതനത്തിന്റേയും കഥയാണത്.

അറിയാത്തലങ്ങളി'ലേക്ക് ഒരു കവാടം

മനുഷ്യൻ സ്വമനസ്സിൽ തന്നെ തിരഞ്ഞുകൊണ്ടിരിക്കുന്ന നിധി, കാലത്തിന്റെ നിരവധി അടരുകൾ എന്നിങ്ങനെ ദാർശനികമായ കല്പനകളിലേക്ക് ആമുഖം വികസിക്കുന്നത് നോവലിൽ ഇവയ്ക്കുള്ള പ്രസക്തി കാരണമാണ്. തന്റെ നോവൽ കുട്ടികൾക്കും ആസ്വാദ്യകരമാകുമെന്ന് ആശിക്കുന്നു.

വായനക്കാര്‍ക്ക് ഒരു സമ്മാനം

"എഴുപതാം പിറന്നാൾ അടുത്തുവന്നപ്പോൾ ഞാൻ ആലോചിച്ചത് ഈ പിറന്നാളിന് എന്നെ സ്‌നേഹിച്ച വായനക്കാർക്ക് എന്തു സമ്മാനം കൊടുക്കുമെന്നായിരുന്നു. " തന്റെ കൃതികള്‍ ഡിജിറ്റലൈസു ചെയ്ത് വായനക്കാരിലേയ്ക്ക് സൗജന്യമായി എത്തിക്കുന്നതിനുള്ള ദൗത്യത്തേക്കുറിച്ച് കഥാകൃത്ത് വിവരിയ്ക്കുന്നു.

നന്ദി - ഇളവെയിലിന്റെ സാന്ത്വനം - അവതാരിക

1966 മുതൽ 1995 വരെ രചിച്ച ചെറുകഥകളിൽ നിന്ന് കഥാകൃത്തും സഹധർമ്മിണിയും നിരൂപക ഡോ. മിനി പ്രസാദും ചേർന്ന് തിരഞ്ഞെടുത്ത 24 കഥകളുടെ സമാഹാരമാണ് ഇളവെയി ലിന്റെ സാന്ത്വനം. ഇത്രയും കവിതയുള്ള പേര് സമാഹാരത്തിന് കൊടുത്തതിനുള്ള കാരണം കഥാകൃത്ത് വിശദീകരിക്കുന്നു.