ഹരികുമാര്‍ സാഹിത്യത്തെക്കുറിച്ചുള്ള നിരൂപണങ്ങള്‍

അനുതാപത്തിന്റെയും നന്മയുടെയും കഥകള്‍

സുന്ദര്‍ - ( കലാകൗമുദി - 1988  ജൂലൈ 17 )

കഴിഞ്ഞ ഇരുപതിലേറെ വർഷങ്ങളിലൂടെ, ഏറെ നല്ല കഥകളെഴുതിയ, മനുഷ്യ ബന്ധങ്ങളുടെ സങ്കീർണ്ണലോകം കാട്ടി, വായനക്കാരന്റെ ചങ്കിൽ തൊടാനൊത്ത, അനുതാപത്തിന്റെയും, നന്മയുടെയും കാഥികനെ ഹരികുമാറിനെ നമ്മുടെ നിരൂപകർ കാണാൻ തയ്യാറല്ല.

ഓര്‍മ്മയൂടെ വാതിലില്‍ മുട്ടുവതാരോ

സജി മുളന്തുരുത്തി - ( സൺഡേ ദീപിക - 1988 ഏപ്രിൽ 26 )

ഹരികുമാറിന്റെ കഥകളിലെല്ലാം പൊതുവേ കാണുന്ന മനോഭാവമാണ് ശുഭാപ്തിവിശ്വാസം. 'ദിനോസറിന്റെ കുട്ടി'യിലെ മോഹനനും 'സന്ധ്യയുടെ നിഴലു'കളിലെ രാജുവുമെല്ലാം ഇത്തരം പ്രതീക്ഷയുടെ കൊച്ചുകൊച്ചുദ്വീപുകളിൽ ജീവിക്കാനാഗ്രഹിക്കുന്നവരാണ്.

മൂന്നാൾ മൂന്നു വഴി

പി. ബാലകൃഷ്ണന്‍ - ( മാതൃഭൂമി - 1988 ജനുവരി 17, ഞായറാഴ്ച, )

ഹൃദയത്തെ മഥിക്കുന്ന നല്ലൊരു കഥാപാത്രത്തെ സൃഷ്ടിച്ചിരിക്കുന്നു, ഹരികുമാർ 'ഉറങ്ങുന്ന സർപ്പങ്ങൾ' എന്ന ലഘുനോവലിൽ. ഒരു തരത്തിലുള്ള അവകാശവാദവും പ്രസ്താവനയുമില്ലാതെ നേരിട്ട് വായനക്കാരനെ സമീപിക്കുകയാണ് ഹരികുമാർ - തികഞ്ഞ ആത്മവിശ്വാസത്തോടെ.

തിരിച്ചു വിളിച്ച സൂര്യകാന്തിപ്പൂക്കള്‍

ഹരികൃഷ്ണന്‍ - ( മലയാള മനോരമ - 1988 ഫെബ്രുവരി 22 )

വർഷങ്ങൾക്കു മുൻപ് ദാസന്റെ കൈയിൽ നിന്നു നഷ്ടപ്പെട്ട വിത്തുകൾ പൂർണത കണ്ടെത്തിയിരിക്കുന്നു. അതേ താഴ്‌വരയിൽ സംഭവിച്ച പ്രകൃതിയുടെ സർഗാത്മക പ്രക്രിയ. യാദൃച്ഛികമായ സമ്മാനം.

ഹരികുമാറിന്റെ കഥകള്‍

കടത്തനാട്ട് നാരായണന്‍ - ( ദേശാഭിമാനി ഓണം വിശേഷാൽപ്പതിപ്പ് – 1989 )

അധികമൊന്നും ശബ്ദഘോഷമുണ്ടാക്കാതെ കഥയെഴുത്തിൽ വ്യാപൃതനായിരിക്കുന്ന ഏകാന്തപഥികനായ കഥാകൃത്താണ് ഹരികുമാർ. ഹരികുമാറിന് ജീവിതം തന്നെയാണ് കഥയുടെ അസംസ്‌കൃതവസ്തുവടങ്ങിയ കലവറ. പറഞ്ഞാൽ തീരാത്ത കഥയും പ്രതിജനഭിന്നമായ പാത്രങ്ങളും ......

ചെറുകഥയില്‍ ഒരു പുതിയ സ്വരം

ടി.എന്‍. ജയചന്ദ്രന്‍ - ( വാരാദ്യമാധ്യമം - 1989  ഫെബ്രുവരി 12 )

ജീവിതാനുഭവങ്ങൾ, സ്ത്രീ-പുരുഷബന്ധം, പിതൃ-പുത്ര ബന്ധം എന്നിവ പുതിയൊരു കാഴ്ചപ്പാടിൽ അവതരിപ്പിക്കുകയാണ് ഹരികുമാർ. പുതിയ ഒരു കണ്ടെത്തലിന്റെ സുഖമാണ് ഈ കഥകൾ നമുക്കു നൽകുക. ഇത്രയും കാലം ഹരികുമാറിനെ നാം കണ്ടിട്ടും കണ്ടില്ലല്ലോ എന്ന അപരാധബോധവും......

ആര്‍ദ്രസ്നേഹത്തിന്റെ കണ്ണീരുറവകള്‍

എൻ രാജൻ - ( എക്‌സ്പ്രസ്സ് - തൃശൂർ, 1989 ജനുവരി 28, ശനി )

'ശ്രീപാർവ്വതിയുടെ പാദത്തി'ലെ മാധവിയെ ഭൂരിപക്ഷത്തിനും മനസ്സിലാക്കാൻ പ്രയാസം കാണും, നമ്മൾ ശീലിച്ചുറച്ച മാനദണ്ഡങ്ങൾക്ക് അളന്നെടുക്കാൻ പാകത്തിൽ ഈ കഥാപാത്രം നിന്നുതരാത്തതുകൊണ്ടാണ്. ആർദ്രമനസ്സുകൾക്ക് മാത്രമേ മാധവി പറയുന്ന കഥയില്ലാകാര്യങ്ങളുടെ പൊരുളറിയാനാവൂ.

കാനഡയില്‍ നിന്നൊരു രാജകുമാരി

ബാലചന്ദ്രന്‍ വടക്കേടത്ത് - ( മാതൃഭൂമി ആഴ്ചപ്പതിപ്പ് - 1989 ഡിസംബര്‍ 10-16 )

വായിക്കുന്തോറും പുതിയ അർത്ഥതലങ്ങൾ കൈവരുന്നതായി അനുഭവപ്പെടുന്ന കഥകളാണ് ഹരികുമാറിന്റേത്. യുക്തി തെല്ലും കൈവിടാതെ കഥ പറയുന്ന ഈ എഴുത്തുകാരനെ ഞാൻ എപ്പോഴും സ്മരിക്കുന്നത് 'ദിനോസറിന്റെ കുട്ടി' എന്ന കഥയിലൂടെയാണ്.

ഇളവെയിലിന്റെ സാന്ത്വനം

മാങ്ങോട്ട് കൃഷ്ണകുമാര്‍ - ( മാത്യൂഭൂമി ആഴ്ചപ്പതിപ്പ് - 1989 ജൂൺ 4-10 )

കൂറകളി'ൽ നിന്ന് 'ദിനോസറിന്റെ കുട്ടി'യിലേയ്ക്ക് ഹരികുമാർ വളരുകയും കരുത്തുനേടുകയും ചെയ്യുന്നു. നേരമ്പോക്കിനുവേണ്ടി വായിക്കാവുന്ന കഥകളെഴുതുകയല്ല ഹരികുമാർ ചെയ്യുന്നത്. സഹൃദയനായ ഒരു അനുവാചകന് വായനയ്ക്കുശേഷവും അയവിറക്കാവുന്ന അനുഭവങ്ങളെ പങ്കിടുകയാണ്.

മനാന്തരങ്ങളില്‍ കാടിളക്കുന്ന കഥകാരന്‍

പ്രഭാകരന്‍ പഴശ്ശി - ( സാഹിത്യലോകം പ്രത്യേക പതിപ്പ് - 1989 മെയ് - ജൂൺ )

ദിനോസറിന്റെ കുട്ടി - കഥകൾ , സൂചനകൾ മാത്രം തന്ന് ചിന്തകൾ വായനക്കാരന്റെ മനസ്സിൽ നീറിക്കത്താനായി ഹരികുമാർ കഥകളൊരുക്കുന്നു. പുസ്തകം താഴെ വച്ചാലും കഥയും കഥാപാത്രങ്ങളും താഴെ വീണുപോകുന്നില്ലെന്നത് ഈ കഥാകൃത്തിന്റെ സാന്നിധ്യം അർഥവത്താക്കുന്നു.

നിരൂപകര്‍

About E Harikumar

E. Harikumar (13 July 1943 – 24 March 2020) was an Indian short story writer & novelist in Malayalam, the language of Kerala. Born in Ponani a coastal town and his parents were Edasseri Govindan Nair, a well-known poet & playwright, and E. Janaki Amma.

Quick Links

Contact

  • Email On:
    e.harikumar.novelist@gmail.com

Buy Books

Buy E Harikumar's Books from Amazon
E.Harikumar 50 Years Creativity is licensed under a CC BY-NC-ND 3.0. Tech support: WCI